PIDATO
BAHASA JAWA
AKHLAKUL
KARIMAH MINONGKO NYAMBUT TAHUN BARU HIJRIYAH
Asalammualaikum Wr Wb .
الحمد لله الذى هذا نا لهذا وما كنا لنهتدي ان هذا نا الله.
اشهد ان لا اله الا الله وحد ه لا
شريك له, واشهد ان محمد ا عبد ه ورسو له. اللهم صل وسلم على
سيد نا محمد وعلى اله وصحبه اجمعين. اما بعد
Al Mukarom poro Alim Ulama’
Ingkang kawulo hormati Bapak Ibu guru Dewan Juri,
ugi dumateng hadirin rokhimakulullah
Sakderengipun
kulo matur punopo ingkang bade kawulo aturaken keparengo langkung rumiyen
kawulo muji syukur dumateng ngersanipun Allah ingkan Maha Kuoso, ingkang
nitahaken jalmo manungso, ingkang paring tatrapan lan sikso, dumateng tiyang
ingkang ngelakoni doso, ingkang mboten purun sholat lan poso, ingkang mboten
purun tobat kanthi getun lan nelongso, ingkang mboten eling mati lan
pendoso, mugi-mugi kula lan panjenengan
sedoyo ing sakmongso-mongso, tansah pikantuk rahmat Allah ingkang murbo waseso,
tansah pinaringan bahagia lan sentoso, Amin amin ya rabbal’alamin.
Ingkang kaping kalihipun mugiho salam bahagia
Allah lan rahmat mugi katetepno dumateng jujungan kito Nabi Agung Muhammad,
salah satunggalipun Nabi pemimpin umat, ingkang sagup bade paring syafaat,
mboten pandang sugih utawa melerat, mboten pandang rakyat utawi pejabat, wonten
ing dunyo lan akherat, mugi-mugi kito sedoyo benjang tergolong tiang ingkang
berhak nampi syafaat ing dinten kiamat, Amin Amin ya rabbal Alamin.
Hadirin
rakhimakulullah, sak sampun ipun mekaten monggo samiyo ningkataken anggenipun
gatosaken dumateng awak kito piyambak-piyambak. Monggo samiyo ningkataken
anggenipun ngajak lan gelemaken awak kito dumateng kebagusan lan amal sholeh.
Jalaran bejo lan cilakanipun umat manungso punika gumantung dumateng
pribadinipun piyambak-piyambak. Menawi awak pribadi kito punika selehaken kanthi
sak mestinipun, lajeng kito resiki lan kito iseni kebagusan, InsyaAllah badhe
kabekto dateng kesahenan wonten ing tembe wingking. Kosok wangsulipun, menawi
awak kito punika kito umbar tanpo kito perhatosaken, lajeng akhiripun ngantos
dipun kuasani dening howo nafsu, inggih ateges bekto awak piyambak kito dateng
kerusakan. Kados dawuhipun Allah Ta’ala
قَدْ أَفْلَحَ مَن زَكَّىٰهَا
وَقَدْ خَابَ مَن دَسَّىٰهَا
Artosipun
kirang langkung : “Temen-temen bejo wongkang ngresiki atine, lan temen tuno
wongkang ngregeti atine” (QS: Asy Syams 9-10)
Milo madhep ing tahun inggal punika
monggo kito sami langkung gatos anggenipun ngrekso pribadi kito. Ingkang sampun
kadung kliwat inggih kantun dipun tobati mawon ingkang sak leres-leresipun,
jalaran kanthi tobat punika duso lan kalepatan kito badhe dipun lebur dening
Gusti Allah Ta’ala. Kados dawuhipun wonten Alqur’an surat At-Tahrim ayat kaping
8 ingkang artosipun “ he ileng-ileng wongkang podo iman kabeh, podo tobato siro
kabeh kelawan tobat kang murni, menowo-menowo Pengeran siro kabeh nglebur
keluputan-keluputan siro kabeh lan manjingaken siro kabeh ing suargo kang ono
ngisor-ngisore mili bengawan-bengawan”.
Sak lajengipun kanthi ngatah-ngatahaken muroqobah,
yakni tansah rumahos bilih bilih obahing anggoto soho krenteking manah punika
tansah dipun pirsani dening Gusti Allah. Kanthi ngatah-ngatahaken muroqobah
kolo wahu lajeng kito saget nhatos-ngatos wonten ing saben tingkah kito. Mboten
senbrono. Keranten sedoyo tumindak kito wonten ing ngalam dunyo punika badhe
wangsul maleh dumateng kito. Menawi sahe insyaAllah ing tembe wingkingipun
sahe. Semanten ugi kosok wangsulipun. Lajeng akhiripun, kito kedah tansah muhasabah,
yakni niti awak pribadi kito, sampun dumugi pundi anggenipun cawis-cawis amal
sholeh kagem sanguning pejah, soho ngatahaken mujahadah, utawi merangi
nafsu.
Hadirin
Rokhimakulullah mekaten wahu, milo menawi kito saget ngatah-ngatahaken tobat, muroqobah,
muhasabah, lan mujahadahinsyaAllah ing tahun-tahun ingkang dipun
adhepi, kito saget pikantuk gesang ingkang langkung sahe menggah Gusti Allah
Ta’ala. Amin.
Hadirin
Rokhimakulullah mekaten wahu, punopo ingkang saget kulo aturaken. Umpami wonten
kirangipun kula nyuwun agunge seh samudra pangeraksami.
اهد نا
الصر ا ط المستقيم .والسلا م عليكم ورحمة الله وبر كا ته
